ໃນວັນທີ່ 11 ມີນາ 2025 ນີ້ກອງບັນຊາການທະຫານເມືອງພຽງ ແຂວງໄຊຍະບູລີ ໄດ້ເປີດຊຸດອົບ ຮົມຫັດແອບບ້ານປ້ອມໝັ້ນສູ້ຮົບເອກະລາດ ຢູ່ທີ່ຫ້ອງການບ້ານປາກຊອງ ໂດຍການເປັນກຽດເຂົ້້າຮ່ວມຂອງ ທ່ານ ຄໍາພັນ ຄໍາພູບົວ ຮອງເລຂາພັກເມືອງ ເມືອງພຽງ,ມີ ທ່ານ ພັທ ຫັນ ອາລຸນ ຫົວໜ້າການທະຫານ ກອງບັນຊາການທະຫານເມືອງພຽງ,ມີຄະນະຊີ້ນໍາຂອງເມືອງ ຄະນະພັກ ຄະນະບັນຊາ ເລຂາພັກບ້ານ ປກຊ,ປກສ ພ້ອມປະຊາຊົນບ້ານປາກຊອງເຂົ້າຮ່ວມຢ່າງພ້ອມພຽງ.
ໃນພິທີສະຫາຍ ພັຕ ມືດ ພອນສະຫວັນ ຫົວໜ້າພະແນກການເມືອງ ຂື້ນຜ່ານຂໍ້ຕົກລົງ ວ່າດ້ວຍການອານຸມັດ ໃຫ້ເປີດອົບຮົມບ້ານປາກຊອງ ແລະ ຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບ.ຈາກນັ້ນສະຫາຍ ພັທ ຄໍາເສົາ ທອງສະໄໝ ຫົວໜ້າພະແນກເສນາຂື້ນຜ່ານແຜນອົບຮົມ ແລະ ຕາຕະລາງອົບຮົມ.ຈຸດປະສົງກໍ່ເພື່ອຍົກລະດັບຄວາມຮູ້ ຄວາມສາມາດ ໃຫ້ອ້າຍນ້ອງກອງຫຼອນ ປກຊ ປກສ ມີຄວາມຄ່ອງແຄ້ວ ມີໄຫວພິກ ແລະ ຊໍານິຊໍານານ ໃນການກຽມພ້ອມເຮັດໜ້າທີ່ໄດ້ທຸກເວລາໃນເມື່ອມີສະພາບ.. ໂອກາດນີ້ ທ່ານ ຄໍາພັນ ຄໍາພູບົວ ຮອງເລຂາພັກເມືອງ ໄດ້ມີຄໍາເຫັນໂອ້ລົມ ເຊິ່ງທ່ານໄດ້ຍ້ອງຍໍຊົມເຊີຍຜົນງານທີ່ບ້ານປາກຊອງຍາດມາໄດ້ໄລຍະຜ່ານມາ ພ້ອມທັງເນັ້ນໜັກໃຫ້ເລຂາພັກບ້ານ ປກຊ ປກສ ຈົ່ງເພີ້ມທະວີຄວາມເປັນເຈົ້າການສຶກສານໍາເອົາຄວາມຮູ້, ຄວາມສາມາດ ຈາກຄູຝຶກ ເອົາໃຈໃສ່ຕໍ່ການອົບຮົມຫັດແອບ ໃຫ້ມີຄຸນນະພາບ ສຸມທຸກກໍາລັງແຮງ ແລະ ສະຕິປັນຍາເຂົ້າໃນການອົບຮົມ ໃຫ້ມີຄຸນນະພາບສູງ ພ້ອມກັນກຳແໜ້ນ ທິດສະດີຫຼັກການໃຫ້ເລິກເຊິ່ງເຖິງຖອງ ເພື່ອສູ້ຊົນເຮັດໃຫ້ການອົບຮົມຫັດແອບບັນລຸໝາກຜົນສູງເຮັດໃຫ້ບ້ານມີຄວາມສະຫງົບປອດໄພໂດຍພື້ນຖານ.
